پاک کموڈیٹیز اسلام آباد۔ گندم اسلام آباد پہنچ میں 4850 روپیہ من تک بھاؤ ہیں۔ پنجاب منڈیوں میں لوڈ میں 11500 روپیہ کوئنٹل جیسی پوزیشن ہے پاک کموڈیٹیز کے زرائع کے مطابق جن ٹریڈرز نے پچھلے دنوں لوڈ میں 11800 تک مال بیچے ہیں ابھی ساتھ ساتھ دوبارہ مال خرید رہے ہیں 11500 تک۔ مجموعی طور پر مارکیٹ میں تیزی کا ہی رجحان ہے۔ پاک کموڈیٹیز کے کل کے فیس بک لائو سیشن میں مزمل رؤوف صاحب نے ایک بڑی اہم بات پر نظر ثانی کی ہے۔ وہ یہ کہ پاکستان کی پورٹ ٹرمینل ہینڈلنگ کیپیسٹی 5/6 لاکھ ٹن کی ہے ماہانہ اور شارٹیج 30 لاکھ ٹن سے زائد کی ہے۔ اس حساب سے تو 5 ماہ کی امپورٹ لازماً درکار ہے۔ اس لیے شارٹیج کو سنبھالنے کے لیے حکومت کو جلد سے جلد امپورٹ کھولنی پڑے گی۔ مزید بھی انہوں بتایا ہے بلیک سی کی گندم کی قیمت تو کم ہے لیکن وہاں پر رشیا اور یوکرین کی جنگ کی وجہ سے شپمنٹس کے کافی مسائل ہیں۔ پچھلی بار بھی مال لوڈ ہوا اور تاخیر ہوگئی پھر سارا مال پورٹ پر یک دم لگ گیا اور دو دو مہینے پورٹ پر کلیئرنگ نا ہونے کی وجہ سے امپورٹرز کو ڈیمرج بھی پڑے۔ اس لیے امپورٹرز کو ممکن ہے دوسرے اوریجنز کی طرف بھی جانا پڑے۔ وہاں پر ریٹ بھی زیادہ ہے کرایہ بھی زیادہ ہے اور وقت بھی زیادہ لگے گا۔ جب تک حکومت کی کوئ واضح حکمت عملی سامنے نہیں آتی تب تک لوکل میں تیزی ہے۔ لوکل تیزی امپورٹ کے بغیر ٹھنڈی نہیں ہو سکتی۔ .